Ein öruggasta leiðin til þess að bæta högglengd hjá kylfingum er að vinna með líðleika í þeim líkamsparti sem gerir kylfingnum kleift að auka hjá sér sveifluferilinn. Hér til hliðar má sjá tvær æfingar sem kylfingar geta framkvæmt til þess að vinna með bættan sveifluferil.

Brjóstbak
Kylfingar sem eru stífir í brjóstbaki eiga erfiðara með að snúa efri hluta líkamans og eru því með tiltölulega stuttan eða þröngan sveifluferil. Brjóstbaksteygjan á SB hjálpar til við að liðka þennan líkamshluta.

Vængvöðva (Breiðvöðva, Lats) teygjan
Kylfingar með stutta breiðvöðva baks eru oft á tíðum fólk sem vinnur við tölvu eða skrifborð lungann úr deginum, líkamsstaðan gerir það að verkum að vöðvar í brjóstbaki verða slappir en brjóst- og breiðvöðvar verða stuttir og stífir.

Þegar kylfingar eru að fara að slá golfbolta vilja þeir eiga það til að gleyma einum mikilvægasta þættinum, upphitun.  Alveg sama hvort kylfingur er að fara að spila golfhring eða einfaldlega æfa sig á æfingasvæðinu er upphitun mikilvæg. Markmiðið með upphitun er að undirbúa líkamann undir aukið álag á líkamann eða einstaka líkamshluta, upphitunin þarf að vera stigvaxandi og fela í sér dýnamískar hreyfingar líkt og golfsveiflan er.