Áhrif koffeins á frammistöðu í golfi

Mikil umræða og misskilningur hefur verið um neyslu koffeins á meðan eða fyrir golfiðkun.  Sumir sérfræðingar telja að neyslan bæti frammistöðu kylfinga en aðrir telja að hún dragi úr frammistöðu.  Rannsókn á þessu var framkvæmd hjá Áströlsku íþóttastofnunni (ÁÍ) og var markmið rannsóknarinnar að reyna að auka upplýsingar um þetta efni annars vegar og hins vegar að draga úr misskilningi varðandi koffein og inntöku þess.

Koffein er ekki á bannlista hjá Alþjóða lyfjaeftirlits nefndinni en það var fjarlægt af bannlista árið 2004,  vinsælir drykkir eins og kaffi, gosdrykkir og jafnvel ýmis lyf innihalda talsvert magnn af koffeini. 30-100 mg af kaffi geta verið í hverjum skammti af ýmsum gosdrykkjum og súkkulaði.

---

Rannsókn þessi benti til þess að áhrif koffeins á frammistöðu þegar horft er til þolþáttarins sé lítilsverð og einstaklingar bregðast á mismunandi hátt við efninu. Hins vegar kom í ljós að koffein hefur ekki þvaglosandi áhrif eins og almennt var haldið. Drykkir sem innihalda koffein geta verið mikilvægir í daglegri neyslu og þeir hafa ekki vatnslosandi áhrif fyrir þá sem neyta þess í hófi.

Í rannsókn ÁÍ segir hins vegar að ,,sönnun liggur fyrir þess efnis að koffein eykur þol og bætir frammistöðu til skamms tíma, íþróttamenn sem stunda greinar sem eru með mikilli ákefð, miklu álagi og krefjast mikils úthalds bæta frammistöðu sína. Áhrifin á styrkjtarþjálfun og stutta spretti er hins vegar óljós.

Kylfiingar og almennir koffein neytendur ættu hins vegar að fara varlega.  Frammistaðan eykst þegar koffeini er neytt í litlu magni, neytt á misjöfnum tímum fyrir, á meðan og við lok iðkunarinnar. 70-150 mg af koffeini er viðeigandi fyrir flesta. Til hliðsjónar inniheldur kaffibolli 40-110 mg af koffeini og dæmigerður gosdrykkur inniheldur um 40 mg. Þótt ljóst sé að frammistaða eykst þá orsökin fyrir því enn ráðgáta.

Frammistaða eykst ekki með mikilli inntöku á koffeini, þvert á móti getur mikil inntaka leitt til aukins púls, haft áhrif á fínhreyfingar, leitt til skapsveifla og haft áhrif á svefn en allir framagreindir þættir geta haft hamlandi áhrif á frammistöðu kylfinga jafn sem annarra íþróttamanna.

Heimild: Australian Institute of Sport Fact Sheet.