Upphitun fyrir kylfinga

Þegar kylfingar eru að fara að slá golfbolta vilja þeir eiga það til að gleyma einum mikilvægasta þættinum, upphitun.  Alveg sama hvort kylfingur er að fara að spila golfhring eða einfaldlega æfa sig á æfingasvæðinu er upphitun mikilvæg. Markmiðið með upphitun er að undirbúa líkamann undir aukið álag á líkamann eða einstaka líkamshluta, upphitunin þarf að vera stigvaxandi og fela í sér dýnamískar hreyfingar líkt og golfsveiflan er.  

Hnébeygja, bolvinda og hálsæfingar ættu að vera hluti að allri upphitun fyrir kylfinga. 
Hér fyrir neðan er upphitun sem felur í  sér  dýnamískar hreyfingar með stigvaxandi álagi á alla líkamshluta sem eru virkir í golfsveiflunni.

Byrjaðu á þessari einföldu upphitun áður en þú ferð að pútta, vippa eða slá úr fötu.

Gangi þér vel!